Mizoram duhsakna hlân

President Ram Nath Kovind leh prime minister Narendra Modi te chuan, Mizoramin State Day vawi 33-na a thleng chu a lawmpui thu leh Mizoram mipuite duhsakna a hlan thu a tarlang. Lawmpuina thu hi twitter-ah an tarlang ve ve a ni.

President Kovind chuan, "Mizoram ka tlawh ṭuma Mizo mipuiin thinlung taka min lo dawngsawnga min lo lâwm kha ka hre reng. He state, ram mawi tak hi an hma lam hun atan duhsakna sang ber ka hlan a ni," a ti. 

Prime Minister chuan, "Mizoram mipuite hi an huaisenna leh an nunphung ṭhate avangin hriat an hlawh hle. Mizo hnam nuphung leh ram hmasawnna atana an state-in a thawh vete hi ram pum hian a chhuang hle a ni," a ti a; hun lo kal zel turah Mizoramin hmasawnna nasa zawk a hmuh theih nan duhsakna a hlan a ni.