World Hearing Day hmang

Nimin kha 'World Hearing Day' a ni a, he ni pual hian Mizorama district khawpui hrang hranga damdawi-inahte a duh apiang tan a thlawna beng entir theihna hun, free health camp buatsaih a ni.

National Programme for Prevention and Control of Deafness (NPPCD)-in a tarlan danin, Mizoramah nikum January aṭanga kumin January inkar chhungin mi 25,431-te beng endik a ni a, benga harsatna nei mi 12,781 hmuhchhuah niin, chu'ng zinga mi 3,262-te chu ri hre ṭha thei tawh lo, bengngawng an ni. Mi 1,047-te chu bengdár (hearing aid) vuah tura tih an ni a, beng zaisak mi 217 awmin, beng natna nei mi 10,208 leh beng zir bingsak mi 4,600 an awm bawk.