GoAir Aizawl-Delhi thlâwk dawn
GoAir chuan Aizawl leh Delhi inkarah March 29, 2020 aṭangin ni tin thlawhtheihna a thlawhtir ṭan dawn niin General Administration department hnuaia Aviation Wing hotute chuan an tarlang.
Ruahman dan chuan, ni tin chawhma dar 10:50-ah Delhi aṭangin Mizoram panin a thlâwk chhuak ang a, chawhnu dar 1:30-ah Lengpui Airport-ah a ṭum ang. Chawhnu dar 2-ah Lengpui aṭangin a thlawk chhuak lehin, tlai dar 3-ah Guwahati-ah a ṭum ang a, Guwahati aṭangin tlai dar 3:30-ah thlawk chhuakin, tlai dar 6:15-ah Delhi-ah a ṭum dawn a ni. GoAir service tur hi A320 Airbus a ni dawn a, Delhi-Lengpui inkar chuan man chu Rs. 3,476 leh Lengpui-Delhi chuan man chu Rs. 4,000 a ni ang.