Vawiinah M/S hawn ṭan a ni dawn

Mizoram sorkarin a phal tawh angin, vawiin, March 1 aṭang hian middle school-te hawn ṭan a ni dawn a, pawl 5-8 zirlaite'n sikulah zirna an chhunzawm ve tawh dawn.

Zirlai tam tak awmna middle school-te hawn a nih dawn avang hian kar hmasa lam khan zirlaite leh an chhungte chu sikul lut thei turin an inbuatsaih a; Aizawlah chuan sikul eng emaw zat uniform leh thil pawimawh dangte siama pe chhuaktu Zofa dawr chu a lûn hle a, Inrinni pawh khan dawrtu turte thui tak an intlar a ni.

Middle school zirlaite sikul kai ṭan hma hian high school leh higher secondary school zirlaite chuan sikul an lo kai tawh a; HSLC leh HSSLC exam tur pawl 10 leh 12 zirlaite chu January 22, 2021 khan sikul lut ṭanin, pawl 9 leh 11 zirlaite pawh February 22 khan an lut ṭan a ni.

Hetih lai hian, zirna-in sang zawkte tan pawh vawiin aṭang vêk hian regular class kal ṭan theih a ni.