Jail-ah dan leh hriselna zirtir

Mamit District Legal Service Authority hmalaknain February 26, Zirtawpni khan Mamit District Jail-ah Legal Awareness Campaign buatsaih a ni.

He hunah hian Judicial magistrate first class  HT Lalmawizuala leh Mamit District Hospital-a senior medical officer Dr Lalrinfela ten dan kaihhnawih leh hriselna chungchang jail tángte an hrilhfiah a, khua leh tui ṭha nih tum turin an fuih. Jail tángte hriselna dinhmun an enfiah nghal a, mi ṭhenkhat hnenah a thlàwnin damdawi pek a ni.

Mamit District Jail-ah hian thubuai ngaihtuah mek 43 leh thiam loh chantir tawh (convict) paruk an awm mek a; an zinga pali chu hmeichhia an ni.