Anganwadi tan bungrua sem

Siaha DC Bhupesh Chaudhary chuan nimin khan Siaha DRDA confe­rence hall-ah Siaha district-a anganwadi centre 126-te hnenah bungrua chi hrang hrang, Rs. 47,00,000 man a sem.

Bungrua an semte chu - tuizém (litre 2,000 dawng), dawhkân, chair, lehkhabu dahna (bookshelf), tui tihthianghlimna (water filter) leh whiteboard-te a ni a; a man chu Bharat Petroleum Corporation Limited (BPCL)-in corporate social responsibility (CSR) fund aṭangin an tumsak a ni.