NH kawngpui enfiah chhunzawm

Task Force Committee for Removal of Encroachment of National Highway-54 member-te chuan nimin khan NH-54 kawngpuiin a paltlang Rangvamual, Phunchawng leh Sairangahte kawngpui dîpdâltu a awm leh awm loh an enfiah chhunzawm a, hmun eng emaw zatah kawngpui dîpdâltu an chhinchhiah.

NH kawngpui endiknaah hian, Rangvamualah chuan tun hma deuha an lo enfiah tawhnaa kawngpui dîpdâltu hmun 51 an chhinchhiah tawhte ennawn a ni a, hmun 16-ah chuan hmalak tawh niin, a bak hmun 35-ah chuan hma la vat turin hriattirna pek a ni.

Phunchawng leh Sairangah chuan hmun 85 chhianchhiah tawhte ennawn a ni a, kawngpui hnaih lutuka tuizêm hûn, in hungna leh dawr siam eng emaw zat neitute hnenah ziakin hriattirna an pe a, hun tiam chhunga hma la ngei tuirin an chah a ni.

NH kawngpui endik hna thawhnaah hian a veng neitu local council leh YMA hruaitute'n an lo ṭawiawm zel a; sorkar aṭangin Aizawl DC pisa aiawh te, PWD, IPR leh Highway Protection Squad aiawhte an kal a ni.