Secretary post neih ve dan tur sawiho

Mizoram sorkar department hrang hrang officer intêl khawmna, Mizoram Departmental Officers Association (MDOA) hruaitute chu nimin khan IPR directorate auditorium-ah an ṭhukhawm a; MDOA conference thurel tawh, departmental officer-te'n Mizoram sorkara additional secretary leh secretary post an luah ve theih nana hmalak dan tur an rel.

MDOA meeting hi an president Lalchuailova, Art & Culture deputy director-in a kaihruai a; an thu ngaihtuah zingah, departmental officer-te'n Mizoram sorkarah secretary leh additional secretary post an chelh ve theihna atana hma an lak zel dan tur te, Mizoram sorkar officer-te'n rualkhai zawka kaisanna kawng inang tlanga an neih theih dan turte a tel. MDOA-ah hian Mizo­ram sorkara department 30-a officer-te an intél khawm a ni.