Siaha-a filling station endik a ni
Siaha-a Legal Metrology enforcement staff-te chuan, nimin khan assistant controller R Lalnghakliana leh inspector LD Beihrua-te hoin Siaha district-a filling station awm chhun, J Rama Filling Station, Siaha College Vaih-a mi chu sawi lâwk loin an endik.
Legal Metrology enforcement-te hian petrol pump-a petrol leh diesel sem lai chu a ṭhat tâwk leh ṭhat tâwk loh te, pump-in a pek chhuah zat an teh dan chu a tling em, tihte an endik a; lei hnuai tanky-a oil-te pawh challan-a density inziakte nena a inmil em tihte an enfiah bawk.
J Rama Filling Station- tuialhtheite chu quality leh quantity-ah dan phal chin chhungah a awm vek tih an finfiah a ni. Siaha-a Legal Metrology enforcement hian a khát tâwkin surprise checking an ti ṭhin a, tun hnuah pawh tih zel an tum thu an tarlang. Oil tanker thleng thar reng reng chu pump tanky-a dah luh hmain an endik phawt a, a ṭha tawk tih finfiah hnuah chauh tanky-ah an dah luhtir ṭhin a ni.