National Viral Hepatitis Control Programme Siaha-ah hawn a ni

Nimin khan Saiha District Hospital medical superintendent hall-ah Siaha district tan National Viral Hepatitis Control Programme hawnna inkhawm buatsaih a ni a, Siaha chief medical officer Dr Hnichho-in a hawng.

Dr Hnichho chuan, Siaha district tan National Viral Hepatitis Control Programme hawn a ni ve ta chu hmasawnna pawimawh tak a nih thu a sawi a; hepatitis chu natna khirh leh sum tam tak insên ngaihna a nih avangin a thlawna damlo enkawl a ni tur chu lawmawm a tih thu sawiin, theihtawpa ṭawiawma thawhpuiah MJA a sáwm. Hawnna inkhawm zawhah MJA, Siaha district member-te tan a thlawna inentirna buatsaih nghal a ni.