2019-20 atan ZMC enkawl nan cheng nuai 8,727 mamawh a ni
Health minister Dr R Lalthangliana chuan ZPM member Lalduhoma leh INC member KT Rokhaw zawhna inṭâwm chhángin, Zoram Medical College (ZMC), Falkawn enkawlna atan kum 2019-20 chhunga sum mamawh tura chhût chhuah chu cheng nuai 8,727.46 a nih thu nimin Assembly session-ah House a hrilh.
Health Minister sawi danin, kum 2019-20 chhunga ZMC-in sum a hmuh tawh zat chu cheng nuai 8,411.70 a ni. Sum hmuhna chu state aṭangin cheng nuai 5,117.28 leh central aṭangin cheng nuai 3,294.42 a ni. Sum hmuh aṭang hian cheng nuai 4,989.96 hman a ni tawh. ZMC hmasawnna atan hian kum 2019-20 chhungin Mizoram sorkarin hmalakna tam tak a nei a ni.
ZMC-a hmalakna Ṭhenkhat
l CT Scan room siam
l MRI room siam
l Surgical ICU leh ICU pangngai siam
l Power supply changtlung zawk neih theihna tura siam
l College building sak chhunzawm
l Boys & girls hostel sak chhunzawm
l Playing cabin siam
l Dialysis room siam
l Damdawi-in a chhâwng sak belh
l CSSD siam
l Mortuary building sak
l Community medicine building sak
l Animal house sak mek