KHAWTHLIR

Mizoram Baptist Koh­hran Hmeichhe Pawl (MBKHP) Rorel vawi 70-na chu nizan khan Thenzawl Venghluna BCM Bethlehem biak-inah ṭan a ni. Nizan khan palai lawmna inkhawm neih a ni a, vawiinah rorel a ni dawn a, zaninah a ṭiak ang. MBKHP-ah hian pastor bial 85-ah unit 532 leh member 33,746 an awm mek a ni.

Mizo Writers Association chuan kum 2019 ­chhunga ṭawng danga ziah lehkhabu, Mizo 

ṭawnga lehlin chhuak zinga ṭha ber an thlanna kal mekah a ṭha zual panga an thlang chhuak. Translation Book Award 2019 top-5 te chu - 'Allah aia Isua' (Lalrinzuala Pachuau), 'Pathian a awm' (Lalrammawia Ngente), 'The last girl' (Lalzarzova Khiangte), 'The man eaters of Tsavo' (Lalzarzova Khiangte) leh 'Vanram thlirna' (Malsawmdawngliana) te a ni.

Information & Communication Technolo­gy minister Robert Romawia Royte chuan ZPM member Lalduh­oma zawhna chhangin, mobile signal chak zawk neih theihna turin hmalak mek a nih thu nimin khan Assembly House a hrilh.

Transport minister TJ Lalnuntluanga chuan ZPM member Vanlal­hlana zawhna chhangin, financial year kal mek kum 2019-20 chhungin, December 2019 thleng khan sorkarin road tax 

aṭangin Rs. 18,45,10,247 a hmuh tawh thu House-ah a tarlang.

Lunglei DC V Lalsang­liana chuan nimin khan thupek chhuahin, Lung­lei district-ah sava leh ramsate veh a, tihhlum phal loh a nih thu a puang. Thupek zawm loa dan bawhchhiate chu hrem an nih tur thu a tarlang bawk.

Nehru Yuva Kendra Sangathan (NYKS), Mizoram leh Tuithiang Branch YMA chuan February 25, Thawhlehni zan khan Tuithiang YMA Hall-ah 'Training in Youth Leadership and Cummunity Development' an buatsaih a, bialtu councillor B Lalawmpuii'n a hmanpui. B Lalawmpuii hian a ṭula hman atan Tuithiang Branch YMA hnenah Rs. 3,000 a hlan a ni.