Ṭha taka sikul sa turin ngen

Mizoram hmun hrang hrangah NABARD ṭanpuina Rural Infrustructure Deve­lopment Fund hmanga sikul eng emaw zat sak mek chu kut tling taka sak vek a nih theih nan Central YMA chuan hma la ṭheuh turin hna thawktute an ngen.

Central YMA chuan, sikul sak hna thawh mekah, hmun ṭhenkhatah kut tling loa hna kalpui a awm chu pawi an tih thu sawiin, "Zirna uar kumpuana kan neih lai a ni a, dik taka hna thawh a nih theih nan YMA chuan hma a la zel dawn a ni," an ti a; hmalakna kawngah Mizoram sorkar leh mipui ṭawiawmna an ngen a ni.