Mizoramah COVID-19 a lên loh nan Theihtawp kan chhuah - Health Minister

Health & Family Welfare minister Dr R Lalthangliana chuan, Myanmar lam aṭangin COVID-19 (Coronavirus) kai Mizorama an luh lohna turin theihtawp chhuah a nih thu Assembly House a hrilh.

ZPM member Dr Vanlalthlana chuan, Myanmar lam aṭanga kal mikhual an neih thu sawiin, Zokhawthar leh Champhai velah pawh Coronavirus an kai leh kai loh endik an nih loh thu nimin khan Assembly session-ah a sawi chhuak a ni.

Health Minister chuan, Zokhawthar ni lo aṭangin Mizoram luhna a tam thu sawiin, "Invèn sèn a ni si lo. Kan tih theih chin chu kan ti. Zing dar 9 aṭanga tlai dar 5 thleng duty kan siam a, 24 hours (chhun-zan zawm) chu kan ti thei chiah lo. Duty an awm loh pawhin gate duty-te'n an koh theih turin ruahmanna siam a ni," a ti.