T Sailo policy nghet taka vuantu PC mi leh sate an phûr - PC President

Peoples Conference (PC) party president Lalhmangaiha Sailo chuan nimin khan an pisaa PC office bearer-te ṭhutkhawmnaah thu sawiin, ''PC party-in candidate kan siam avangin Serchhip biala Brig. T Sailo policy nghet taka vuantu PC mi leh sate an phûrin ṭhahnem an ngai tawh hle a ni," a ti.

Myanmar rama sipai sorkar tun din a nih avanga thil thleng chungchangah Lalhmangaiha Sailo chuan, "Myanmar sipaite'n Zo hnahthlakte telna mipui siam sorkar, dik lo taka an paih avanga buaina kal zelah nunna chán an awm ta hial hi pawi ka ti tak zet. Mizoram leh Mizote nasa takin min nghawng thei dawn a, Zo hnahthlak bakah, mi dang pawh kan ramah an rawn tlanchhe mai thei. Chumi tur chuan Mizoram leh Mizo mipui kan lo inpuahchah lâwk a ṭha," a ti a; PC party chu a theih chen chen Mizoram sorkar thawhpui an inhuam thu a sawi.