AR-in MNS Guidance Capsule buatsaih

Assam Rifles chuan nimin khan Aizawla an hmunah Military Nursing Service (MNS) chungchang inzirtirna, MNS Guidance Capsule an buatsaih ṭan a, nurse-te tana sipai (MNS)-a luh theih dan an inhrilhfiah.

MNS Guidance Capsule hi kumin March 1 aṭanga April 10 thleng awh tur a ni a, thawh thuma kalpui a ni ang. Programme an buatsaih chu Mizoram ṭhalaite leh a bik takin hmeichhiate tihhmasawnna atan a ni.

Thawh khatna (Phase-I) chu February 23-25 chhung khan neih niin, screening test tih a ni a, mi 60 an inlan. Phase-I result chu February 26 khan tihchhuah a ni a, a tlingte tan March 10 thleng registration tih theih a ni ang.

Nimin khan Phase-III ṭan a ni a, registration bakah, guidance capsule ṭan a ni. Guidance capsule-ah hian candidate-te chu Botany, Zoology, Physics, Chemistry, English, Reasoning leh Current Affairs-te zirtir an nih dawn bakah, kum hmasa lama zawhnate a taka chhàntir an ni dawn a ni.

MNS guidance capsule hawnnaah hian AR 23 Sector DIG Brig. Digvijay Singh chuan, Mizo ṭhalai, nursing graduate-te chu sipaia luta MNS Cadre zawm tur leh chumi hmanga ram tana hna thawh tum turin a fuih a ni.