Indian Red Cross Society sawiho

Governor Kummanam Rajasekharan chuan, nimin khan Raj Bhavan-ah Indian Red Cross Society, Mizoram Branch din thar dan tur Health minister Dr. R.Lalthangliana a sawipui.

Larsap chuan Mizo­ram chu tlangram a nih vangin chhiatrupna lo thlengah harsatna tam tak a awm thei tih sawiin, "Vantlang mipuiten eitur, damdawi, tui in tur thianghlim leh thil dangte an neih kawngah Indian Red Cross Society hian pawimawhna tam tak a nei a, Mizoram-ah pawh din thar leh a ṭul a ni," a ti.

Dr. R Lalthangliana chuan Indian Red Cross Society, Mizoram Branch din thar a nih theihna atan proposal an siam tur thu Governor hi a hrilh a ni.

Health Minister hi Health secretary H Lal­engmawia, Health prin­cipal director Dr. F Lal­lianhlira leh official dang­te'n an ṭawimawm.