Minister-in Reiek a tlawh

Nilaini khan Tourism minister Robert Romawia Royte chuan Reiek Tlang leh a chhehvela Tourism deptt hmalak mekte leh hmalak zelna tur hmunte a tlawh.

Tourism Minister chuan Reiek kham leh a tlang awm dan chu khawvel hmun danga awmte hmuh chak tur chi a ni tih sawiin, "Reiek Tlang hi khualzinte hipna hmunpuiah siam kan tum. Reiek kham ko sang tak aṭanga filawr chhuaka kea kalna siam a nih chuan khawvel huap pawha lar leh tlawhtu nghah Kuala Lumpur Tower aiin a sang dawn a ni," a ti.

Robert Romawia hian zokhuaa zo in sak mek te, zipline pahnih siam mekte leh adventure sports tihna tur hmunhmate tlawhin, contractor-te chu hna tha taka thawk tur leh zokhua chu fur ruah tlak hma ngeia sa zo turin a ngen.

Minister ṭawiawmtu chief secretary Lalnunmawia Chuaungo chuan, Reiek khua chu mi tam takin an tlawh ṭhin tawh thu sawiin, "Ruahmanna mumal tak siama hmalak a ṭul," a ti.