Chhim lama sipai dah Sorkarin a hriatpui lo

Mizoram sorkar chuan, tun hnaia Mizoram chhim lama India sipaite thil tih a hriatpui lo. Hetihlai hian chief secretary Lal­nunmawia Chuaungo chuan mipui tan chiaina tur a awm loh thu a sawi.

Vanglaini palai zawhna chhangin Home minister Lalchamliana leh Chief Secretary chuan tun hnaia Mizoram chhim lama sipai dah an nih chungchangah sorkar laipui aṭangin hriattirna engmah an dawn loh thu an sawi a, "Kan ngaihven zui ve reng a ni," an ti.

Chief Secretary chuan chhim lama sipaite chetlak dan chu district thuneitute an enzui tir reng tih sawiin, "Engmah mipui tana chi aina tur a awmin kan hre lo," a ti.

Lalnunmawia chuan ramriah eng emaw thleng palh se chetlak dan tur sipaite chuan an zir chhin ni bera a hriat thu sawiin, "Sipaite chet dan kan thlir ve reng," a ti a, thil thar eng emaw a awma an hriat loh thu a sawi.