Polytechnic-ah campus interview

India ram mai bakah, khawvel ram dang thlenga hotel changkang tam tak neitu Oberoi group chuan nimin khan Womens Polytechnic, Aizawlah campus interview an nei a, an hnena thawk turin turin Womens Polytechnic aṭanga zir chhuak mai tur mi eng emaw zat an thlang. Campus interview nei tur hian Oberoi corporate manager Dr Anuradha Mathad leh senior manager Vijay Sharma te an kal a ni.

Women Polytechnic hian kum tin an zirlai chhuak turte hna thawh tur an zawnpui ṭhin a, India rama khawpui lian hrang hranga company hmunpuiah leh hotel lianahte interview nei turin an kalpui ṭhin. Kuminah erawh chuan Oberoi group-in Women Polytechnic-ah kal chilh­in campus interview an nei a ni. Kumin March thla tìrah final year student-te chu interview-te neihpui tur leh company lian hmunhmáte tlawhpui turin Delhi leh Mumbai-ah an kalpui dawn bawk.