Mamit College-ah MOC Rahbi

Mamit Officers Club (MOC) chuan July 26, 2019 khan Mamit College-ah MOC Rahbi kick-off programme an hmang a, college zirlaite tana an hmachhawp hrang hrangte an sawifiah.

Inkhawm hi Mamit chief judicial magistrate Gracy  L Bawihtlung-in a kaihruai a; MOC president Jacob Lalawmpuia, Mamit additional DC chuan fuihna thu sawiin, college zirlaite tana hriat­ tur pawimawh hrang hrang te, hlawhtling tura rahbi tuksak an tum dan te, MOC-in Mamit ṭhalaite leh zirlaite tana hmachhawp an neih te, civil service leh central service chungchangte a sawi a, "Eng kawng­ah pawh mi hlawhtling an chhuah theihna turin kan tih theihah hmalak kan inhuam a, sum leh paia puih ngai an awm pawhin thûk takin kan inhuam a, coaching mumal zawk kalpui tum a ni," a ti.