Siahaah ruahtui khâwl zirho

Jai Shakti Abhiyan (JSA) Siaha District Coordination Committee chuan nimin khan Siaha RD Block BRC Hall-ah 'JSA Awareness Campaign on Water Conservation and Rain Water Harvesting' an buatsaih a; DRDA project director T Vanlalmalsawmsanga'n kaihruaiin, district bawrh­sap Bhupesh Chaudhary-a'n a hmanpui.

Siaha DC chuan, Siaha district chu Mizorama district zinga tui tlachham satellite aṭanga hmuh awmchhun a nih thu sawiin, tuihna humhalh leh renchem chu mi tin mawhphurna a nih thu a sawi a, "Tuihna humhalh tur hian mahni in chhung­khur aṭanga ṭan a, khaw­tlang leh ram pum huapa hmalak a ṭul. Ruahtui khâwl leh thing phun uar a ṭul bawk a ni," a ti.

Awareness programme-ah hian sorkar department hrang hrang aiawhte leh Saiha College zirlai te, DIET zirlai te, V/C-te leh tlawmngai pawl aiawhte an tel a ni.