ṬKP din champha hmang

Nimin July 30 khan Mizoram Baptist Kohhrana ṭhalai pawl, Ṭhalai Kristian Pawl (ṬKP) din champha vawi 68-na a ni a, Mizoram hmun hrang hrangah ṬKP unit leh bial hrang hrangte'n an remchan dan angin an hmang.

Mizoram Baptist Kohhrana hruaitute leh ṭhalaite chuan Zosapte kaihhruaina hnuaiah July 30, 1951 khan Serkawnah ṬKP an din a; hruaitu hmasate chu - president Lungruala, vice president Vanlalkunga, general secretary K Lalliana, trea­surer T Ropianga, senior adviser Rev. HS Luaia, C Saizawna, Zomawia Nu (Mrs. FJ Raper) leh Lal­mama te an ni. Execu­tive Committee-ah Roṭhuami, Hrangthanga, Lal­sawma, Remkunga leh Thang­hmuna te an tel bawk. 

ṬKP chu kum 1952-a Presbytery Inkhawmpui (tuna Assembly ang hi), Pukpuia neih chuan a pawmpui a ni.