Doctor-te an lungawi lo

India ram puma medical doctor intèl khawmna, Indian Medical Association (IMA) chuan sorkar laka lungawi lohna lantir nan vawiin hian darkar 24 chhung medical service an titâwp dawn. 

IMA hmalakna hi IMA Mizoram State Branch chuan thlâwp mah se, hna an thawk dawn a, IMA hmalakna an thlâwp  tih lantir nan hna an thawh-naah badge dum an bel dawn a ni. IMA lungawi loh chhan chu - sorkar laipuiin Medical Council of India (MCI) thlakna atana National Medical Commission (NMC) Bill a pass vang a ni.