INTACH hruaitute'n Paikhai IB tlawh

INTACH, Mizoram Chapter member-te chuan July 29, Thawhṭanni khan convener P Rohmingthanga leh co-convener Rin Sanga te hoin Paikhai Inspection Bungalow (IB), Melriat ram chhunga mi chu an tlawh a, ṭha zawka enkawl dan tur an enfiah.

INTACH hruaitute chuan, Paikhai IB chu pípúte sûlhnu, Mizoram Ancient Monuments and Archaeological Sites and Remains Act, 2001 hnuaia humhalh mek a nih thu an sawi rualin, tuna a awm danah duhthusam lo tam tak a awm thu an sawi a, "Kan tlawh chhan ber chu, engtin nge he IB hi ṭha zawka enkawl a nih theih ang tih a ni," an ti.

Paikhai bangla chu a tìra a awm dan anga siamṭhat (restore) ni se, an ti a, a awmna leh a chhehvel chu a zau thei ang ber humhalh tlat tur a hmalak an tum thu an sawi. INTACH hruaitute hi Melriat V/C-te leh YMA hotute'n an 

ṭawiawm a ni.