Agriculture Minister-in FOCUS pisa a hawng

Fostering Climate Resilient Upland Farming Systems in the North East (FOCUS), Mizoram Project Management office, New Capital Complex-a mi chu nimin khan Agriculture minister C Lalrinsanga'n a hawng.

C Lalrinsanga chuan, FOCUS chu United Nations agency pakhat International Fund for Agricultural Development (IFAD) hnuaia project a nih thu sawiin, "Sik leh sa inthlak nasa, global warming leh climate change khawvelin a tawn mek hrûla hmasawnna hna thawhna tura hmalakna pawimawh tak a ni," a ti a; sik leh sa in­thlak danglam nasain mipui eizawnna - thlai thar leh tlang ram loneih a tihbuai mekah loneitute kawng kawhhmuh turin FOCUS chu din a nih thu a sawi.

Agriculture Minister chuan, FOCUS-a thawktu zawng zawngte chu Mizoram mipui tana thawk an nih inhre turin a fuih a, "Kan ram economy siamṭha tur leh hmasawnna tur ngaihtuaha ke pên tumna boruak ṭhalaite zingah a inmung mek a ni," a ti

Inkhawm hi Agri­culture secretary Lal­hming­thanga'n a kai­hruai a, AH&Vety deputy director Dr Lal­hmingthanga'n FOCUS nihphung a sawifiah. Inkhawm zawhah Agriculture Minister chuan district hrang hranga District Management Unit (DMU)-te hman tur bike 16 leh scooty pariat a vai liam nghal a ni.