Lengpuiah jet fighter a ṭum lo

Tun hnaia social media-a Indian Airforce jet fighter-te Lengpui Airport-a a ṭum anga tarlan chu thudik a nih loh thu GAD (Civil Aviation) hotute'n Vanglaini an hrilh.

GAD (Civil Aviation) hotute chuan tun hnaia social media-a Lengpui Airport-a jet fighter ṭum anga tarlan chu kum 2015 a mi tawh a nih thu an sawi. 

Tun hnaia Lengpui Airport-a Indian Airforce thlawhtheihna ṭum awm chhun chu bungraw phur AN 32 a ni a, NCC Air Wing bungraw rawn daha rawn ṭum an ni, an ti bawk. 

Tun hnaia Lengpui Airport-a jet fighter a ṭum anga tarlan kha November 17, 2015-a Indian Airforce-te'n Mizoram leh hmarchak state ṭhenkhata indo lem an chan ṭum a mi a ni a, khami ṭum khan Sukhoi 30MKI pahnih rawn ṭumin, darkar khat hnu velah Mizoram an chhuahsan leh a ni.