World Thinking Day hman a ni

Mizoram Bharat Scouts & Guides (MBSG) chuan nimin khan City Park, Aizawlah World Thinking Day, 2019 an hmang a, Sports & Youth Services minister Robert Romawia Royte-in a hmanpui.

Robert Romawia chuan tunlai khaw­velah ngaihtuahna dik, ṭha leh fel in zirtir a pawimawh tih sawiin, "Scout Movement-in hetiang ni pawimawh an ngaihtuah chhuak kha a ropuiin a finthlak hle. Negative thinking, ngaihtuahna dik lo kan tih mai nei ram leh mipui chu an beidawng ṭhin a, chutiang ramah hmasawnna a thleng ngai lo," a ti.

World Thinking Day 2019 ah hian MBSG chief commissioner Zothan­mawia'n kaihruaiin, asst. commissioner Lalrambuatsaiha'n World Thinking Day lo pian chhuah dan a sawifiah.

World Thinking Day hi Scout Movement ṭantu Lord Baden Powell chawi­mawina atan a piancham February 22 ah hman ṭhin a ni.