Health Minister-in damdawi-in tlawh

Health minister Dr. R Lalthangliana chuan nimin zing khan Kolasib District Hospital a tlawh a, hospital building chu a hlui tawh avangin, Kolasibah khum 100 awmna hospital sak a ṭul thu a sawi.

Dr. Lalthangliana chuan khaw tam takin hospital lian an duh ve ringawt ṭhin chu thil kalphung tur a nih loh thu sawiin, "Hospital len zawng chu damlo awm tam dan a zir tur a ni. Kolasib District Hospital chu damlo leh building dinhmunte enin khum 100 awm theihna hospital-a sak a ngai," a ti.

Health Minister hi bialtu MLA K Lalrinliana, Serlui bialtu MLA Lal­rinsanga Ralte leh Health department official-te'n an ṭawiawm a ni.