Court-a sorkar a chak lo fo hi a vei awm - Law Minister

Nimin khan sorkar ukil leh sorkar hnathawk court case khawihtute inkawmna hun buatsaih a ni a, khuallian Law & Judicial minister TJ Lalnuntluanga chuan court-a sorkar a chak lo fo chu veiawm a tih thu a sawi.

TJ Lalnuntluanga chuan sorkar hmalakna pawimawh zual enin sawrkar sum hloh zawnga court case a chak lo lama ṭang tawh loin a chak zawk lama tan a pawimawh tawh tak zet tih sawiin, "Court-a sorkar a chak lo fo hi a veiawm hle. He thil chingfel tur chuan sorkar file khawihtute leh court hmaa - sorkar tana ding ukilte an inpawh ṭhat a ngai," a ti.

Law Minister chuan high court leh district court-ah pawh sorkar ukilte hi a ṭul phawt chuan rawn reng theih an nih thu sawiin, sorkar hnathawk file khawihtute pawhin sorkar ukil mamawh documents leh para wise comment te a hun takah an peihfel a, an pek zat zat theih chuan sorkarin court case a hloh fo tawh dawn loh thu a sawi.

Inkawmhona hun hi Law & Judicial secretary Marli Vankung-in kaihruaiin, sorkar hnathawkte leh ukilte chuan ṭha zawka thawho dan turte an sawiho a ni.