KHAWTHLIR
Fimkhur tur
Traffic SP chuan thupek chhuahin, February 21 aṭang khan Bawngkawn aṭanga Company peng inkar National Highway - 54 kawngpui final layer siam hna thawh ṭan a nih vangin kawngpui chanve chauh hman theih a nih dawn tih tarlangin, "Kawng hmangtute pawhin mi dang ngaichang chung leh fimkhur taka hnathawktute tibuai lo zawnga kawng hmang turin mipuite hriattir an ni," a ti.
Lawmpuina hlan
United Sports Association of Mizoram (USAM) hruaitute chuan nimin khan Sports minister Robert Romawia Royte lawmpuina thuziak an hlan. Sports Minister chuan Mizo infiammiten incentive cash award an lak ṭhin, kum engemaw zah nghah a ngai ṭhinte chu a rang lama pek zel a nih theihna tura hmalak a tum thu a sawi.
Organic Fair
Nimin khan Mamit District Agriculture Officer's complex-ah Agriculture department enkawl PKVY hnuaia thlai tharte hralh chhuahna Organic Fair buatsaih a ni. PKVY hi India ram state hrang hrangah kalpui a ni.