Union Budget hi miretheite lam hawi a ni - Mizoram BJP

BJP Mizoram Pradesh chuan nimin khan an pisaah sorkar laipui budget 2020-21 zirhona hun an hmang a, BJP hruaitute zinga mi Lalhunliana Ralte leh Lalhriatrenga Chhangte ten an kaihruai. Budget thar chu miretheite lam hawi a nih thu leh Mizoram pawhin a chhawr ve dawn thu an tarlang.

Mizoram BJP thu­chhuah chuan, Union budget 2020-21 chuan mi hnuai­hnung (lower middle class) lam a hawi nia sawiin, "Mi hausa leh miliante'n an sawisel. Budget hian mirethei leh middle class-te lam a hawi avangin India ram chuan nasa takin hma a sawn phah dawn a, lonei­mite tan nasa takin lawmna dar an vua a ni," a ti.

Budget tharah hriselna lam kaihhnawihah PPP (public private partnership) mode-in private hospital siam a ni dawn nia sawiin BJP chuan, "Mizoramah pawh district leh Aizawlah ngei pawh hospital kan din ve thei dawn a ni," an ti a; budget chu loneitute tana ṭha tura duan a nih thu leh 16 Points Action Plan siamah district tinah thlai pakhat zel thlan theih a ni tur chu Mizorama loneitute tan chanchin ṭha niin an tarlang bawk.