Minister-in lungphum phum

Ailawng Village Ecotourism Development Society (AVEDSOC) buat­saihin Environment, Fo­rest & Climate Change (EFCC) minister TJ Lal­nun­tluanga chuan Ai­lawng­ah 'Community Based Environment Conservation & Ecotou­rism Development Project' lungphum a phum.

Community Based Environment Conserva­tion & Ecotourism Deve­­lopment Project atan hian cheng nuai ruahman niin, AVEDSOC LEH Mizoram Science, Technology & In­novation Council ṭang­kawpin an kalpui ang. Project hi phase hnih­ah then niin phase 1-na atan hian cheng nuai 65.34 pekchhuah a ni a, Khuangchera Memorial Stone cheiṭhat te, khualzinte tana ṭangkai tur-café leh gallery (khawthlirna) siam te, Dilzawl siamṭhat te, chawlhna hmun leh parking space sak te, trekking-na tur kalkawng siam te, orchid park-te leh cable foot bridge sakte a huam.

Phase 2 atan hian cheng nuai 34.66 dah niin building awmsa cheiṭhatna atan leh AVEDSOC member tana training buatsaihna atan te hman tura ruahman a ni.