Dr. R Lalthangliana'n NEC hotute a kawm

Minister Dr. R Lalthang­liana chuan Inrinni khan Shillong Mizoram House-ah North Eastern Council (NEC) hotute a kawm a, Mizoram hmasawnna tur hrang hrang a sawipui.

Dr. R Lalthangliana chuan Mizorama kuthna­thawktute'n sawhthing chungchangah harsatna an tawh ṭhin thu sawiin, "Sawhthing market a mumal loa, Silchar leh Bagha-a sum­­dawngteah kan in nghat a ni," a ti a,  Mizoram hmun hrang hranga sawh­thing sawng­bawlna (ginger proce­ssing centre) din a nih theih nana hma lakpui turin a ngen.

Health Minister chuan Lunglei District Hospital staff quarter sakna tur te, Kolasib District Hospital complex-a CMO office sakna tur leh Cen­tral Vaccine Depo chung­changte NEC hotute hnen­­ah hian thlenin, "Mizo­ram sorkar enkawl hospital-ah MRI a awm loa hma min laksak a ngai a ni," a ti a, Comprehensive Spastic Children Care Centre, Bawng­kawna sak mek chu 3rd installment sum release fel a ṭul thu a sawi.

Higher & Technical Edu­cation Minister chuan Pa­chhunga University College Cluster Academic Block sak ṭhatna tur te, Aizawla college kal hmeichhiate tana hostel sakna tur te, Pukpuia Mizoram Engi­neering College-ah staff quarter neih a ṭul thute pawh NEC hotute hnenah hian a thlen a ni.

NEC planning adviser CH Kharsing chuan chuan health sector-a Mizorama hmalakna kal mekte sawiin, Dr. R Lalthangliana chu a thu thlente bawhzui a nih tur thu a hrilh a, women hostel sakna tur leh engineering college-a harsatna awmte chu DPR thehlut a, MHRD-a an recommend tur thu a sawi.