Hnam sipai ruhro hmuak

Inrinni khan Mi­zoramin zalenna a suala hnam sipai zinga mi supply inspector Zairemthanga ruhro chuan Mizo Hnam Run a thleng a, a hmuahna inkhawm buatsaih a ni.

Inkhawm hi Ex-MNA vice president C Zama'n kaihruaiin, MNF vice president R Tlanghmingthanga chuan MNF sorkar chuan martar chhungkua te, ram leh hnam tana an nunna thapa in pe, tuna nung dama la awmte pual liau liauin chhawmdawlna tur sum dah a nih dawn thu sawiin, "Hetianga ram leh hnam tana inpete hi kan ngaisangin kan ram leh hnam tana ro hlu tak min phumsaktute an ni a, kan hre reng tawh dawn a ni," a ti.

Zairemthanga hi Gauhati-a college a kal laiin kum 1966 khan Zo­ramah rawn chhuakin an inpui tlawh loin a rammu nghal a, chumi hnuah supply inspector hna a chelh a, ni 8.2.1969 khan India sipaite kutah a thi a ni.