MLA-in hydel project enfiah

East Tuipui bialtu MLA Ramthanmawia chuan tun hnai khan megawatt 5 pe chhuak thei tur Khuangthing leh Thekpui inrina a luang Tlawva lui hmanga Tlawva Small Hydel Project siam mek a tlawh a, hnathawh dan a enfiah. 

Hydel project siam hna hi NORTECH Power Project Private Ltd., Kolkatta in an thawk mek a, a siamna atan cheng nuai 5670 ruahman a ni. Tun dinhmunah kawlphetha siamchhuahna hmun tur inpui (power house) chu a ruhrel siam zawh tawh niin, khawl rit pui pui dahna tur thirchakai (crane) siam mek a ni.

Khawl khawhvirna tur tuidawt lian (penstock pipe) pawh power house thleng zam ni tawhin, thir kahtui hmanga char zawm pawh a chanve aia tam zawh tawh a ni. Hnathawktu company-te hian harsatna hrang hrang an neih avangin department-ah kumin 2019 June thla thleng hun  dil belhin zawh hman an inbeisei a ni.

Ramthanmawia hi P&E sr. executive engineer R Lalrinkima leh thawktu dangte'n anṭawiawm a ni.