Kumtlinglo pawngsual tumtu Kum 7 táng tura hrem a ni

Champhai District Special Court judge R Vanlalena chuan nimin khan Court thutlukna a puang a; hmeichhe naupang kumtlinglo pawngsual tumtu Lal­rawngbawla s/o Thakulha, Vangchhia, Champhai district chu kum sarih chhung hrehawm taka jail-a táng tur leh Rs. 5,000 chawi turin a hrem.

Court judgement order-a a lan danin, May 2014 khan Lalrawng­bawla hian hmeichhe naupang pakhat chu zan thimhlimah thlânmual mawngah hruaiin pawng­sual a tum a ni. He thil hi Champhai police-te'n an hriat veleh bawhzui nghalin, Lalrawngbawla chu an man a, hmeichhe naupang pawh damdawi-in hruai niin, pawngsual a nih leh nih loh endik a ni.

Court chuan, Lal­rawngbawla hian hmei­chhe naupang chu a pawngsual loh thu leh engtin mah a tihnat loh thu a tarlang. Doctor report-in a tarlan dan chuan, pawngsual tak tak a thleng hman lo a, mahse, hmeichhe naupang kap báwrah vunchhia pem a awm. 

Thuhretute thusawi leh finfiahnate zir chian hnuah Court chuan Lalrawngbawla chu kum sarih chhung jail-a táng tur leh Rs. 5,000 chawi turin a hrem ta a ni.