PRISM-in NHRC-ah thlen

PRISM party chuan thuchhuah siamin, Mizoram leh hmarchhak state dang ṭhenkhata Assam Rifles sipaite thuneihna pek belh sût tura ngenna Prime Minister hnenah an thawn a, National Human Righs Commission (NHRC)-ah Mizoram chhim lama sipaite chet dan thlithlai tura ngenna an thlen bawk tih an tarlang.

PRISM chuan, AR-te hnena Champhai, Serchhip, Lunglei, Saiha, Lawngtlai leh Mamit district chhunga an duh duh mi dap leh man thei tura thuneihna pek chu dik lo an tih thu an sawi a; Mizoram chhim lama India sipai dah belh chuan khawtlang nun leh hmasawnna hnathawh a tibuai mek tih sawiin, "Sipai tam tham tak awm leh che vel hian rambuai lai anga mipuiah harsatna hrang hrang a thlen theih avangin sipai chet vel dan thlithlai tura ngenna NHRC hnenah leh national media hrang hrangah kan thlen bawk a ni," an ti.