Hmalakna hrang hrang thlirho

Serchhip District Development Coordination & Monitoring Committee chu nimin khan an chairman CL Ruala, Lok Sabha MP leh co-chairman Ronald Sapa Tlau, Rajya Sabha MP hoin DC conference-ah an ṭhu a; sorkar laipui scheme hnuaia hmalakna hrang hrangte an thlirho.

CL Ruala chuan, kum 10 chhung DDCMC chairman a nihna chu a tàwp dawn tak thu leh, tun ṭuma mi chu a hoa an ṭhutkhawm hnuhnung ber a nih tur thu a sawi a; ṭhahnemngaihna vanga DDCMC member-te chunga ṭawngkam mawi lo deuh a lo hmang a, an rilrute a tina palh a nih chuan ngaihdam a dil.

Ronald Sapa Tlau chuan, CL Ruala chu hruaitu viak ṭha leh taima tak, Mizoram tana thil tha tam tak lo ti tawhtu a nih thu sawiin, "District council hun lai ata vawiin thlenga thatho taka ram tana beitu a ni," a ti.

Meeting-a tarlan danin, Serchhip district-ah hian PMGSY hmanga district chhunga inkalpawhna kawng siam mek pakaw zinga pahnih chu zawh thuak a ni tawh a, a dang panga chu 60%-85% inkar vel zawh tawh a ni.

Serchhip district-ah thisen endik mi 1,504 zinga mi 35 chu HIV hrik pai an ni a, raipuar mi 43 endikah an zinga pasarih chu HIV positive an ni. Thenzawlah mi 297 endik zinga pali HIV positive an ni a, raipuar mi 237 an endik zinga mi pali chuan HIV hrik an pai tih hmuhchhuah a ni bawk.