AIDS Candle Light Memorial Service hmang

Positive Women Network of Mizoram (PWNM) leh MSACS ṭangkawp chuan nimin khan Ramhlun Venglai Presbyterian centenary hall-ah International AIDS Candle Light Memorial Service, 2019 an hmang. International AIDS Candle Light Memorial Service hi HIV/AIDS avanga boral tawhte hriatrengna atan leh HIV darhzel tur venna kawnga infuihtharlehna atan khawvel pumpui ah hman ṭhin a ni.

Inkhawmah hian khuallian Synod executive secretary Rev. B Sangthanga chuan Synod-in training a buatsaihah a tam thei ang ber HIV chungchang telh te, kohhran mal emaw bial anga counselling ṭha a awm theihnana hmalakte leh thisen test an tam zel theihna atana hmalak chu Synod hmachhawp leh tih mek a nih thu a sawi.

MSACS project director Dr Lalthleng-liani chuan HIV hi a dam hmakna damdawi la awm lo tih sawiin, "Taksa-a natna dotu a eichhiain natna dang tamtak a thlena, hrisel lohna, chak lohna leh retheihna nasa tak thlenin, thihna hian thlen ṭhin tu a ni. Mizoram hi mipui tam lam aṭanga tehin tunah HIV darhchakna ber kan ni," a ti.

Dr Lalthlengliani chuan MSACS chu pawl te tak a nih thu sawiin, Zoram pum huapa pawl lian kohhran leh YMA te chu HIV chungchanga kan dinhmun duhawm lo tak tihniam zel tura thawhhopui atan a sawm. International AIDS Candle Light Memorial Service-ah hian HIV positive, HIV/AIDS dona lama thawktute leh kohhran hrang hrangte an tel a, HIV avanga nunna chante sunna hun khawnvar chhia hman a ni.