MPS-te sik sawi an ni

Mizoram sorkar chuan tun hnai khan MPS eng emaw zat chu an awmna hmun a sik sawi a, AIGP-III a awm mek C Lalzahngoa chu Aizawl SP ah sawn a ni.

Champhai SP-a awm mek Lalthiamsanga Sailo chu Joint Secretary (Home) ah sawn a ni a, Disaster Mangement & Rehabilitation joint director C Lalruaia chu sawn nimah se, a awmna tur hmun tihfel a la ni lo. ADC to Governor Rex Zarzoliana chuan Champhai SP-ah a awm dawn a, CID (SB) addl. SP Lalrinawma Traite chu 1st IR Bn. ah 2 I/C in a awm ang.

Aizawl addl. SP PC Lalduhthlanga chu 3rd IR Bn. 2 I/C a ni dawn a, Dy. SP, Security (Airport) Lalmalsawma Hnamte chu Aizawl addl. SP-in a awm thung ang. 1st Bn. dy. commandant MS Dawngkima chu 2 I/C 1st. Bn. MAP ah sawn a ni a, 2nd. dy. commandant H Laldingngheta chu addl. SP CID (SB) ah a awm ang. Siaha addl. SP Francis Lallawmkima chu 2nd Bn. MAP dy. commandant-ah a awm dawn a ni.

Hetihlai hian MPS ṭhenkhat chu an awmna ngaiah awm tho siin, an kai sang a ni.