Hmasawnna-ah hma hruaitu kan nih a ngai - CM

Junior Engineer Service Asso-ciation of Mizoram (JESAM) chuan nimin khan Chanmari YMA Hall-ah khawmpui an hmang a, khuallian chief minister Zoramthanga chuan Mizo hnam hi hmasawnna-ah hma hruaitu kan nih a ngaih 

thu a sawi.

Chief Minister chuan Mizoram hmasawnna atan ngaihtuahna leh rilru put hmang tihdanglam a pawimawh thu sawiin, "Keini Zoram mipuite chuan ngaihtuahna thar pu a, taima taka kan thawhho chuan hmasawnna hi awlsam takin kan hmu theiin ka ring. Hmasawnna-ah hian Mizo hnam hi hma hruaitu kan nih a ngai," a ti.

JESAM khawmpui hi an presi-dent PLC Lallawmkima'n kaihruaiin, general secretary PC Lalthanliana'n an pawl hmalakna an sawi a, nikum khawpui leh kumin khawmpui inkara an member nunna chan mi 12 te an sun.

JESAM hi ni 1.10.2015 khan din a ni a, Mizoram sorkar ah ni 7.12.2015 khan ziah luh (recognised) a ni. Mizoram sorkar hnuaia department hrang hrang - PWD, PHE, P&E, Agriculture, LAD, AMC, UDPA, Horticulture, RD, LADC, MADC etc. a junior engineer thawk 800 chuang member an ni.