BJP hmalakna a ṭul chuan na takin ka do ang - C Lalrosanga

Mizoram Lok Sabha MP C Lalrosanga chuan, BJP kaihhruai sorkar laipui hmalakna chu a ṭul chuan parliament-ah na takin a do ang a, ram tana ṭha turah erawh chuan an thlàwp ang tih a sawi.

Nimina Mizo Hnam Rúna inkhawmah thu sawiin C Lalrosanga chuan, prime minister Narendra Modi kaihhruai sorkar thar lak luhnaah sàwm a nih angin a tel ve tih sawiin, “Tlar hma lamah Pu Ruatkima leh Pu Zawma te nen kan ṭhu ve a, a ropui khawp mai,” a ti a; MP nihna dinhmuna hlángkaitu Mizoram mipui, party leh Pathian hnenah a lawm thu a sawi.

Mizoram MP thar sawi danin, MP tharte chu Parliament-ah inhriattir a ngaih avangin kar hmasa khan New Delhi-ah a kal a, May 28-ah Parliament a dawr nghal a, Parliament session hmasa ber June 17, 2019-a ṭan turah tel turin June 12-ah Delhi a pan leh ang.