District 3 tihpuitlinna tur Notification chhuah a ni

Mizoram sorkara General Administration Department (GAD) chuan nimin khan notification tichhuakin, kum 2008-a district headquarters-a puan tawh Hnahthial, Khawzawl leh Saitualahte a rang thei ang berin deputy commissioner (DC) pisa din/siam tur a nih thu a tarlang.

GAD secretary Biak-tluanga’n hriattirna a chhuah danin, Hnahthial, Khawzawl leh Saitual-ahte DC pisa dah a nih theih nan hian heng khaw pathuma SDO (Civil) pisa awm mekte chu DC pisa atan hman phawt tura tih a ni a; chutiang tur chuan May 24, 2019 khan Chief Minister-in a pawmpui a ni.

Notification-a a lan danin, September 1, 2008-a Council of Ministers meeting chuan Hnahthial, Khawzawl leh Saitual-te chu district headquarters-a siam a remti a, September 12, 2008-ah khaw pathum hmingin district siam a nih thu puan a ni (notification chhuah a ni). District pathum tihpuitlinna tur hian Mizoram budget 2019-20 (vote on account)-ah sum dah a nih thu tarlan a ni bawk.