Wembley Stadium-ah BTS

South Korean boy band BTS-te chu kar kal ta Inrinni khan Wembley Stadium, London-ah an concert a, fan 60,000 vel zet an pung khawm. 

BTS hi South Korean group zinga Wembley Stadium-a perform hmasa ber an ni a, record an siam leh ta a ni. Concert an neih tur thu hian K-pop fan-te a tilawm hle a, Wembley-ah kher a lo nih bawk avangin ngaihven a hlawh zual. An vawi khat concert-naah hian darkar hnih chuang hun an hmang a, hla 24 zet an sa a ni! Fan sing telin an bawr luih luih reng a, an tan ni chhinchhiah tlak tak a ni reng tawh ang.  

BTS hian British singer ropui Freddie Mercury pualin hun an hmang a, zahna an hlan bawk. Fan-te hmaah British zingah artist ropui tak tak an lo awm tawh ṭhin tih sawiin, The Beatles, Coldplay, Ed Sheeran leh Adele-te chu an ngaihsan thu an sawi lang bawk.