ZPM AMC councillor hruaitu ruat

ZPM party elected office bearer-te leh ZPM aṭanga AMC councillor atana thlan tlinte chuan nimin khan ZPM AMC councillor hruaitu tur an ruat a, leader atan Ward-XVIII aṭanga thlan tlin Malsawmzuala an ruat.

ZPM AMC councillor leader atan ZPM Ṭhalai president Malsawmzuala an ruat bakah hian, deputy leader atan C Lalchhandami, Ward-III an ruat a, secretary atan Christina Roluahpuii Sailo, Ward-VIII an ruat bawk. ZPM president mawhphurhna la mektu K Sapdanga chuan an councillor-te hnenah lawmpuina thilpek a hlân nghal a ni.

K Sapdanga chuan, Pathian ṭihna nen ram rawngbawl a pawimawh thu sawiin, mipuiin an beisei ang ngeia thawk turin ZPM party aṭanga AMC councillor atana thlante chu a chah a; sawichhiatna leh beihna karah Pathian hre reng tura fuihin, "Aizawl khawpui hian hmangaihtu a mamawh tak zet a. Ward hrang hrang mamawh leh pawimawhte ward committee hmangin a siamṭhat theih a ni," a ti.