Chakai farm pilot project atan cheng nuai 54.17 ruahman

Fisheries minister K Lalrinliana chuan ZPM member C Lalsawivunga zawhna chhángin, Dum­lui, Kolasib-a chakai farm pilot project siam­na atan cheng nuai 54.17 ruahman a nih thu Assem­bly House a hrilh.

K Lalrinliana chuan, chakai farm pilot project atan cheng nuai 16 pek chhuah a nih tawh thu sawiin, "Hna hi depart­ment work-a thawh a ni. Chakai farm siam tur hian department lam chuan theih ang tâwkin an zir a, kan ramah siam theih ngei a nih rin a ni. India ramah Kerala, Tamil Nadu, West Bengal, Karnataka, Andra Pradesh, Maharastra, Goa, Gujarat leh Odisha-ahte chakai farm siam a ni tawh," a ti.

Mizorama chakai ang chi chu India ramah a khàwina hmun (farm) din a nih hriat a nih loh thu sawiin Fisheries Minister chuan, "Chuvangin, India ram hma hruaitu ni turin pilot project anga enchhinna atan hmalak mek a ni," a ti a; project chu a hlawhtlin theih chuan Mizoram economy chawikanna atan bul ṭanna ṭha tak a nih an beisei thu a sawi bawk.