Khawzawla dawrte endik a ni

Khawzawl District Vigilance Committee member-te chuan nimin khan Khawzawl khawpui veng hrang hranga dawr leh hna thawhna hmunte endikin, restaurant, workshop leh wholesale dawra thawktu chhawr neite'n The Bonded Labour System (Abolition) Act, 1976 an zawm leh zawm loh an enfiah a; dan bawhchhia an awm lo.

Bonded Labour System (Abolition) Act, 1976 hnuaiah hian leibá emaw, tha bá emaw rulh nana hna dang thawk thei lo a, hlawh mumal inpe lo leh hmun dang kal thei loa tihluihna hmanga inchhawrte khap a ni. Dan zâwm lote chu kum thum thleng tàntir emaw, Rs. 2,000 chawitir emaw, a pahnih emawa hrem theih a ni.