W Phailengah Maitri Cycle Rally buatsaih

Border Security Force (BSF) chuan nimin khan West Phailengah Maitri Cycle Rally an buatsaih a, district bawrhsap Dr Lalrozama'n a vailiam. Rally hi Bangabandhu Sheik Mujibur Rahman pian champha pualin India leh Bangladesh inkarah inṭhian ṭhatna a awm theihna tura buatsaih a ni.

Maitri Cycle Rally hi January 10, 2021 khan Panitar, West Bengal aṭangin ṭan a ni a, thirsakawra an tlàn thui záwng chu km. 4,097 a ni dawn a, BSF sipai mi 17 an tel. State paruk paltlang a nih hnuah Silkore, Mizorama BSF border out post-ah March 17, 2021 khian tihtawp a ni ang.