ZoRO-in sipai thuneihna sang pek duh lo

Zo Reunification Organisation (ZoRO) chuan thuchhuah siamin, India sorkarin Code of Criminal Procedure (Cr.PC) cháng hrang hrang hmanga Mizorama Assam Rifles awmte thuneihna sang tak pek a tum chu an duh loh thu leh an dem tak zet thu an tarlang.

ZoRO chuan, India sorkarin Cr.PC hmanga Assam Rifles hnena thuneihna sang tak pek chu âwmang lo an tih thu tarlangin, "Kan dem tak zet a ni. Hetiang dan hi India hian a hmang tak tak a nih chuan ZoRO chuan kan thlir mai mai dawn lo a, a ṭul ang zelin kan do ngat ngat dawn a ni," an ti.

Tun hnaiah sipai indo tur insingsa vel ni âwm tak Mizoramah hmuh a ni ṭhina sawiin ZoRO chuan, "Sorkar ṭhenkhat chuan sipai nunchan zir ni âwmin an sawi. Mizoram sorkar hriattir a ni lo a, mipui pawh engmah hrilh kan ni lo. Sipaite nunchan zirna hnûhmá hmuh tur pawh a awm lo a, nunchan zir mai mai nia sawiin dan pangngai pêla mipui an rapbet mai dawn nia lang hi kan duh lo hle a ni," an ti a; chhan mumal tak awm loa khawchhak lama Zo hnahthlakte nena inpawhtawnna khuahkhirh a nih dawn chuan an dodal tur thu an tarlang a ni.